افغان طالبان کی انتہا پسند سوچ کے باعث کئی ممالک نے افغانستان سے سفارتی تعلقات معطل کر دئیے ۔برطانیہ، ترکیہ اور ناروے کے بعد جاپان نے بھی افغان سفارتخانہ بند کرنے کا اعلان کر دیا ہے، افغان جریدے کابل ٹائمز کے مطابق جاپان میں افغان سفارت خانہ 31 جنوری 2026 سے بند ہو جائے گا۔کابل ٹائمز کے مطابق سفارتخانے میں تمام سیاسی و اقتصادی سرگرمیاں معطل کر دی جائیں گی، بیرون ملک افغان شہریوں کو سفارتی بندش کے باعث سنگین قانونی مسائل کا خدشہ ہے۔طالبان کی آمرانہ پالیسی کے باعث کئی ممالک نے افغانیوں کے داخلے کے قوانین سخت کر دیے ہیں، افغان جریدے آمو کے مطابق سیکیورٹی خدشات پر روس نے افغان مزدوروں کی بھرتی سے انکار کر دیا ہے۔امریکا، جرمنی، پاکستان، ایران سمیت کئی ممالک سے افغان مہاجرین کی بے دخلی جاری ہے، ماہرین کے مطابق طالبان کی شدت پسند پالیسیاں افغانستان کیلئے خطرناک عالمی تنہائی کا سبب بن رہی ہیں۔

کریڈٹ: انڈیپنڈنٹ نیوز پاکستان-آئی این پی