صومالیہ کے دارالحکومت موغادیشو میں ہونے والے ایک دھماکے میں کم از کم 8 شہری ہلاک اور 5 سے زائد زخمی ہو گئے۔غیر ملکی خبررساں ادارے کے مطابق صومالی دارالحکومت موغادیشو میں بارودی سرنگ کا دھماکا ضلع وڈاجر میں واقع القلو علاقے کی ایک مصروف سڑک پر ٹریفک جام کے دوران ہوا جس میں کم از کم 8 شہری ہلاک اور 5 سے زائد زخمی ہو گئے۔کسی گروپ نے بم دھماکے کی ذمہ داری قبول نہیں کی تاہم اس میں الشباب کے ملوث ہونے کا امکان ہے۔جولائی میں جنوبی صومالیہ میں ایک سرکاری عمارت کے دروازے پر خودکش حملہ آور کے خود کو دھماکے سے اڑانے کے بعد کم از کم 11 افراد ہلاک ہوگئے تھے۔

کریڈٹ: انڈیپنڈنٹ نیوز پاکستان-آئی این پی