ایران کے اول نائب صدر محمد رضا عارف نے کہا ہے کہ تہران کی شریف یونیورسٹی پر بنکر شکن بموں سے حملہ کیا گیا جو صدر ٹرمپ کی حماقت کو ظاہر کرتا ہے۔ایکس پر اپنے بیان میں محمد رضا عارف کا کہنا تھا کہ صدر ٹرمپ یہ نہیں سمجھتے کہ کنکریٹ تباہ کرنے سے ایرانی علم کو ختم نہیں کیا جا سکتا۔ان کا کہنا تھا کہ ہماری اصل طاقت ہمارے پروفیسرز اور اشرافیہ ہیں اور تاریخ گواہ ہے کہ ماضی میں کسی بھی طرح کی بربریت ایرانیوں سے علم کی طاقت نہیں چھین سکی۔ایرانی حکام نے تصدیق کی تھی کہ اتوار کی شب تہران کی شریف یونیورسٹی پر حملے سے قریبی سٹیشن کو نقصان پہنچا، جس سے مضافاتی علاقوں کو گیس کی فراہمی معطل ہو گئی۔ حملے میں یونیورسٹی کے انفارمیشن ٹیکنالوجی سینٹر اور ایک مسجد کو بھی نقصان پہنچا۔

کریڈٹ: انڈیپنڈنٹ نیوز پاکستان-آئی این پی