امریکی صدر ڈونلڈ ٹرمپ نے شکاگو، لاس اینجلس اور پورٹ لینڈ سے نیشنل گارڈ کو واپس بلانے کا فیصلہ کیا ہے ۔امریکی صدر کا کہنا تھا کہ نیشنل گارڈز کی تعیناتی سے ان شہروں میں جرائم میں واضح کمی آئی ہے ۔غیرملکی خبررساںادارے کے مطابق صدر ٹرمپ نے گفتگو کرتے ہوئے کہا کہ جرائم دوبارہ بڑھے تو ان شہروں میں وفاقی فورسز واپس آئیں گی اور فورسز کی واپسی پہلے سے زیادہ سخت اور مضبوط شکل میں ہو سکتی ہے ۔ادھرکیلیفورنیا کے گورنر نے بتایا کہ ریاست میں وفاقی فورسز کی موجودگی کی ضرورت نہیں تھی اور ٹرمپ اپنی اختیارات سے تجاوز کر رہے تھے۔یاد رہیکہ ٹرمپ نے نیشنل گارڈز کو گزشتہ سال جون میں تعینات کرنے کا اعلان کیا تھا تاہم یہ تعیناتی متعدد قانونی چیلنجز کا شکار رہی۔

کریڈٹ: انڈیپنڈنٹ نیوز پاکستان-آئی این پی