سعودی فرمانروا سلمان بن عبدالعزیز اور ولی عہد شہزادہ محمد بن سلمان نے ریاض میں قائم شاہ سلمان امدادی تنظیم (KSrelief)کو ہدایت کی ہے کہ مراکش میں زلزلے سے متاثرہ لوگوں کے لیے فضائی لنک یا رابطہ قائم کر کے وہاں کے متاثر کے لیے امدادی سامان بھیجا جائے، شاہی ہدایات کے مطابق جنرل ڈائریکٹوریٹ آف سول ڈیفنس کے تحت ایک سعودی سرچ اینڈ ریسکیو ٹیم، سعودی ریڈ کریسنٹ اتھارٹی کی ٹیموں کے ساتھ مراکش میں امدادی اور انسانی ہمدردی کے کاموں میں سرگرم عمل رہے گی، یہ اقدام قدرتی آفات اور بحرانوں میں دنیا بھر کے متاثرہ اور ضرورت مند افراد کے ساتھ کھڑے رہنے کے حوالے سے مملکت کے انسانی ہمدردی کے کردار کی توسیع ہے۔

کریڈٹ: انڈیپنڈنٹ نیوز پاکستان-آئی این پی