سعودی عرب میں حکام نے کافی کریمرکی ایک کھیپ میں چھپائی گئی کیپٹاگون کی 82لاکھ 80ہزار 78گولیاں ضبط کرلی ہیں اوراس دھندے میں ملوث پانچ افراد کو گرفتار کیا ہے،سعودی عرب کی نظامت عامہ برائے انسداد منشیات کے ترجمان میجرمروان الحزمی نے ایک بیان میں کہا کہ دارالحکومت الریاض میں تین شامی باشندوں اور دو پاکستانی شہریوں کو منشیات رکھنے کے الزام میں گرفتار کیا گیا ہے،ترجمان نے کہا کہ ان کے خلاف ابتدائی قانونی کارروائی کی گئی اورانھیں پبلک پراسیکیوشن کے حوالے کردیا گیا،ان میں سے ایک شامی شہری کے ویزے کی میعاد ختم ہوچکی تھی،ایمفیٹامائن کی گولیاں کافی کریمر کی کھیپ میں چھپائی گئی تھیں۔

کریڈٹ: انڈیپنڈنٹ نیوز پاکستان-آئی این پی