سعودی وزارت حج وعمرہ کی جانب سے مسجد نبوی میں ریاض الجن میں نوافل کی ادائیگی کو خصوصی موبائل ایپ پرمٹ سے مشروط کردیا گیا ہے۔سعودی حکام کا کہنا ہے کہ ریاض الجن اندرونی اور بیرون ممالک سے آنے والے زائرین باآسانی ریاض الجن میں چوبیس گھنٹے نوافل ادا کر رہے ہیں، تاہم اس کیلئے موبائل ایپ کے ذریعے پہلے اجازت نامہ حاصل کرنا ہوگا۔سعودی وزارت حج و عمرہ کے مطابق زائرین کو چوبیس گھنٹے خصوصی موبائل ایپ کے ذریعے پرمٹ جاری کیے جاتے ہیں، جن میں خواتین کے لیے بھی مختلف اوقات کار کو مختص کیا گیا ہے۔ریاض الجن میں نوافل کی ادائیگی کے لیے آنے والوں کو آب زم زم بھی فراہم کیا جاتا ہے۔سعودی حکام نے بتایا بتایا کہ زائرین نوافل کی ادائیگی کے بعد روضہ رسول صلی اللہ علیہ وآلہ وسلم پر حاضری دے کر درود و سلام بھی پڑھتے ہیں۔

کریڈٹ: انڈیپنڈنٹ نیوز پاکستان-آئی این پی