سعودی عرب میں ریاض کی ایک سڑک پر شامی شہری کے قتل میں ملوث سعودی شہری کو گرفتار کرلیا گیا۔سعودی ویب سائٹ کے مطابق دارالحکومت کی ایک سڑک پر شامی باشندے پر حملے کی ویڈیو سوشل میڈیا پر وائرل ہے جس میں دیکھا جاسکتا ہے کہ ایک شہری راہ گیروں کے سامنے سڑک پر ایک شامی شہری پر چھری سے حملہ کر رہا ہے۔ابتدائی تحقیقات کے مطابق شامی شہری اور سعودی شہری کے درمیان اختلافات چل رہے تھے، سعودی نے انتقامی کارروائی کرتے ہوئے شامی شہری کو سر عام حملہ کر کے قتل کردیا۔سعودی شہری کو قانونی کارروائی کے بعد پبلک پراسیکیوشن کے حوالے کیا گیا ہے، سوشل میڈیا پر صارفین نے ویڈیو وائرل ہونے پر اس قسم کے انسانیت سوز جرائم پر برہمی کا اظہار کیا ہے۔

کریڈٹ: انڈیپنڈنٹ نیوز پاکستان-آئی این پی