امریکا کے نو منتخب صدر ڈونلڈ ٹرمپ کی حمایت حاصل کرنے والے رپبلکن رہنما مائیک جانسن کو دوبارہ امریکی ایوان نمائندگان کا اسپیکر منتخب کر لیا گیا ۔غیرملکی خبر رساںادارے کے مطابق نئی گانگریس کے پہلے دن رپبلکن رہنما مائیک جانسن پہلے مرحلے میں 218 ووٹ لے کر انتہائی کم فرق سے ایوان نمائندگان کے اسپیکر منتخب ہو ئے۔ رپورٹ کے مطابق مائیک جانسن کو 218 جبکہ ڈیموکریٹ رہنما حکیم جیفریز کو 215 ووٹ ملے، رپورٹ کے مطابق جانسن کے خلاف تین رپبلکن اراکین، رالف نورمن (جنوبی کیرولائنا )، کیتھ سیلف( ٹیکساس) اور تھامس میسی نے ووٹ دیا تھا۔ میڈیا رپورٹ کے مطابق تمام ڈیموکریٹک اراکین نے اقلیتی رہنما حکیم جیفریز کے حق میں ووٹ دیا، رپبلکنز نے اب ایوان نمائندگان اور سینیٹ دونوں پر باضابطہ کنٹرول حاصل کر لیا ہے اور اراکین نے حلف بھی اٹھا لیا ہے جبکہ پیر کو کانگریس کا دوبارہ اجلاس ہوگا جس میں نو منتخب صدر ڈونلڈ ٹرمپ کی انتخابی جیت کی تصدیق کی جا سکے گی۔

کریڈٹ : انڈیپنڈنٹ نیوز پاکستان-آئی این پی