صدر ولادی میر پیوٹن حالیہ 10سالوں کے معمول کے برعکس اس سال کے اختتام پر پریس کانفرنس نہیں کریں گے،روس صدارتی پیلس کریملن کے جاری کردہ بیان کے ساتھ پیوٹن کی سالانہ پریس کانفرنس کے بارے میں غیر یقینی کیفیت کا خاتمہ ہو گیا ہے،کریملن کے ترجمان دمتری پیسکوف نے کہا ہے کہ اس سال کے آخر میں صد پیوٹن معمول کی سالانہ پریس کانفرنس نہیں کریں گے لیکن بیرونی دوروں سمیت دیگر مواقع پر اخباری نمائندوں کے ساتھ کی جانے والی پریس کانفرنسیں جاری رہیں گی،معمول کی سالانہ پریس کانفرنس کے اگلے سال تک التوا سے پیوٹن اپنے دورِ اقتدار میں دوسرے دفعہ اور حالیہ 10سالوں میں پہلی دفعہ اس معمول کو توڑ رہے ہیں،صدر پیوٹن 2001سے مذکورہ روایتی سالانہ پریس کانفرنس ہر سال ماہِ دسمبر میں منعقد کر رہے ہیں ۔ پہلی دفعہ 2005میں اس معمول میں رخنہ آیا اور کانفرنس نہیں کی گئی،2009سے 2011کے دوران پیوٹن کے وزارت اعظمی کے عہدے پر ہونے کی وجہ سے سالانہ کانفرنس نہیں ہوئی اور 2020میں کورونا وبا کی وجہ سے صدر پیوٹن نے آئن لائن پریس کانفرنس میں شرکت کی۔

کریڈٹ: انڈیپنڈنٹ نیوز پاکستان-آئی این پی