روس نے دعوی کیا ہے کہ امریکا نے ٹیکٹیکل میزائل یوکرین منتقل کر دیئے ہیں۔روسی میڈیا کے مطابق طویل فاصلے تک مار کرنیوالے ٹیکٹیکل ہتھیار اسی ماہ یوکرین منتقل کیے گئے۔روسی وزارت دفاع نے 3ٹیکٹیکل میزائل پچھلے ہفتے روکنے کا دعوی بھی کیا تھا۔یاد رہے کہ امریکا نے گزشتہ روز ہی اسرائیل، یوکرین اور تائیوان کے لیے 95ارب ڈالر کا امدادی پیکیج منظور کیا ہے جو صدر جو بائیڈن کی توثیق کے بعد جاری کر دیا جائے گا۔اس حوالے سے ڈیموکریٹکس سینیٹر چک شمر کا کہنا تھا امریکا نے پیکیج کی منظوری سے دنیا پر واضح کر دیا ہے کہ ہم اپنے اتحادیوں کو اکیلا نہیں چھوڑتے۔

کریڈٹ: انڈیپنڈنٹ نیوز پاکستان-آئی این پی