روس نے یوکرین کے دونیتسک میں ایک بستی چگاری پر قبضہ کر لیا ہے ۔روسی وزارت دفاع کے بیان میں کہا گیا ہے کہ روسی فوج یوکرین میں محاذ پر فائدہ مند پوزیشن حاصل کرنا جاری رکھے ہوئے ہے ،روسی فوجی یونٹوں نے نام نہاد دونیتسک عوامی جمہوریہ کی چگاری بستی کو آزاد کر واتے ہوئے محاذ پر اپنی حکمت عملی کو مستحکم بنایا ہے ۔بیان میں بتایا گیا ہے کہ یوکرین کی فوج کی 31ڈرون مار گرائے گئے ہیں ،فوجی آپریشن کے آغاز سے لے کر اب تک 626طیارے، 277ہیلی کاپٹر، 27ہزار 314ڈرونز اور540دفاعی میزائل سسٹمز اور یوکرینی فوج کے 16ہزار 521ٹینک اور بکتر بند گاڑیاں تباہ کر دی گئی ہیں اس کے ساتھ ساتھ 1366ملٹی بیرل راکٹ لانچرز، 11ہزار 516ہووٹزر اور مارٹرز جبکہ 23ہزار 410خصوصی فوجی گاڑیاں تباہ ہو گئیں۔

کریڈٹ: انڈیپنڈنٹ نیوز پاکستان-آئی این پی