امریکا کے سابق صدر ڈونلڈ ٹرمپ نے اپنے حالاتِ زندگی پر بنائی گئی فلم دی اپرنٹس کو کچرا قرار دیا ہے۔ اس فلم کے امریکا بھر کے سنیماں میں ریلیز ہوتے ہی ہنگامہ کھڑا ہوگیا ہے۔ غیر ملکی میڈیا کے مطابق فلم میں ڈونلڈ ٹرمپ کی جوانی کا زمانہ پیش کیا گیا ہے۔ ٹرمپ کے قانونی مشیروں کا کہنا ہے کہ اس فلم میں ٹرمپ کا کردار بہت سی خامیوں سے اٹا ہوا ہے۔ فلم بنانے والوں نے معقول تحقیق نہیں کی۔ کردار میں بہت جھول ہیں۔ فلم میں یہ بھی دکھایا گیا ہے کہ ٹرمپ نے اپنی سابق اہلیہ ایوانکا کو ریپ کیا تھا۔ ٹرمپ کے قانونی مشیروں کا کہنا ہے کہ فلم میں ٹرمپ کو انتہائی منفی انداز سے پیش کیا گیا ہے اس لیے قانونی چارہ جوئی کی جاسکتی ہے۔ہالی وڈ کا کوئی بھی بڑا اسٹوڈیو اس فلم کو بنانے اور ریلیز کرنے کا خطرہ مول لینے کو تیار نہیں تھا کیونکہ امریکا میں سیاسی تقسیم غیر معمولی نوعیت کی ہے اور اس حوالے سے خاصی کشیدگی پائی جاتی ہے۔ شمالی امریکا کے 1700 سنیما گھروں میں اس فلم کو انڈی اسٹوڈیو برائرکلف انٹرٹینمنٹ نے ریلیز کیا ہے۔

کریڈٹ: انڈیپنڈنٹ نیوز پاکستان-آئی این پی