لبنان میں چند ماہ قبل درآمد کیے گئے پیجرز براہ راست پہنچے یا کسی تیسرے ملک سے لبنان درآمد کیے گئے، پیجرز دھماکوں کے بعد لبنان میں معاملے کی تحقیقات کا آغاز کردیا گیا،عالمی میڈیا کے مطابق سائبر حملے کا شکار ہونے والے پیجز لبنان نے چند ماہ پہلے تائیوان سے خریدے تھے، اب لبنان کی جانب سے تحقیقات شروع کردی گئی ہیں کہ پیجر تائیوان سے براہ راست لبنان پہنچے یا کسی تیسرے ملک سے لبنان درآمد کئے گئے۔برطانوی میڈیا کے مطابق سکیورٹی ماہرین کے نزدیک بھی پیجر دھماکے حیران کن ہیں، ماہرین نے خدشہ ظاہر کیاکہ حزب اللہ تک پہنچنے سے پہلے پیجرز میں چھیڑ چھاڑ کی گئی تھی، پیجرز میں لبنان پہنچنے سے پہلے دھماکا خیز مواد نصب کیا گیا،اسرائیلی حملوں سے محفوظ رہنے کیلئے لبنان میں اسمارٹ فونز کا استعمال کم ہو چکا ہے، پیغام رسانی کیلئے پیجر لبنانی گروپ حزب اللہ اور ہیلتھ ورکرز بشمول ڈاکٹرز استعمال کر رہے تھے، مختلف اقسام کے پیجر اسرائیلی سکیورٹی حکام بھی استعمال کرتے ہیں، لبنان میں پیجرز پر نئے پیغام کا سگنل موصول ہونے کے بعد متعدد صارفین نے پیغام پڑھنے کیلئے پیجر آنکھوں کے قریب کیا تو دھماکے سے آنکھوں کو نقصان پہنچا البتہ پیجر دھماکو سے متعدد اہم اراکین محفوظ رہے۔

کریڈٹ: انڈیپنڈنٹ نیوز پاکستان-آئی این پی