امریکی صدر ڈونلڈ ٹرمپ نے اعلان کیا ہے کہ وینزویلا سے 30 سے 50 ملین بیرل اعلی معیار کا تیل امریکا منتقل کیا جائے گا۔صدر ٹرمپ نے سوشل میڈیا پر جاری پیغام میں کہاکہ یہ تیل امریکا میں مارکیٹ قیمت پر فروخت کیا جائے گا اور اس کی آمدنی کو وہ خود کنٹرول کریں گے اور اسے امریکی اور وینزویلا کے عوام کے فائدے کے لیے استعمال کیا جائے گا۔صدر ٹرمپ نے انرجی سیکرٹری کرس رائٹ کو ہدایت کی کہ وہ اس منصوبے پر کام شروع کریں اور تیل کو امریکی بندرگاہوں پر پہنچایا جائے۔امریکی صدر کے پیغام سے قبل غیر ملکی میڈیا رپورٹس میں بتایا گیا کہ وینزویلا سے تیل امریکا برآمد کرنے کیلئے امریکا اور وینزویلا کے حکام میں بات چیت ہوئی۔ رپورٹ مطابق وینزویلا سے خام تیل امریکا میں ریفائنریز کو برآمد کیا جائے گا۔امریکا نے دسمبر کے وسط سے وینزویلا کے تیل درآمدات کو روک رکھا ہے۔توقع ہیکہ امریکی تیل کمپنیوں کے سربراہ وینزویلا میں سرمایہ کاری پر گفتگو کیلئے آج ) جمعرات کو) وائٹ ہائو س کا دورہ کریں گے۔ دوسری جانب وائٹ ہاوس اور وینزویلا کے حکام نے نئی پیش رفت پر تبصرے سے گریز کیا ہے۔

کریڈٹ: انڈیپنڈنٹ نیوز پاکستان-آئی این پی