ڈنمارک کے دارالحکومت کوپن ہیگن میں اسرائیلی سفارت خانے کے قریب 2دھماکے ہوئے،غیرملکی میڈیا کے مطابق کوپن ہیگن میں اسرائیل کے سفارت خانے کے قریب جمعرات کی صبح 3سے 4بجے کے قریب ہوئے، اسرائیلی سفارت خانے کے قریب 2دھماکوں سے کوئی ہلاک یا زخمی نہیں ہوا جبکہ عمارت کو بھی کوئی نقصان نہیں پہنچا،پولیس کے مطابق دھماکوں کے بعد 3سوئیڈش نوجوانوں کو گرفتار کرلیا گیا، دو نوجوانوں کو کوپن ہیگن کے ریلوے اسٹیشن سے ٹرین میں سوار ہونے سے قبل گرفتار کیا گیا جبکہ تیسرے نوجوان کو کسی دوسرے مقام سے گرفتار کیا گیا، گرفتار افراد سے تحقیقات جاری ہیں،اسرائیلی سفارت خانے کے قریب دھماکوں کے بعد علاقے کی ناکہ بندی کردی گئی اور سرچ آپریشن کیا گیا۔ دھماکوں کے بعد حکام نے عوام کو احتیاط برتنے کی ہدایت کی ہے۔

کریڈٹ: انڈیپنڈنٹ نیوز پاکستان-آئی این پی