وسطی نیپال میں جمعہ کی صبح 6.1 شدت کا زلزلہ آیا جس کے نتیجے میں ایک شخص زخمی ہوگیا جبکہ کئی مکانات کو نقصان پہنچا۔میڈیا رپورٹس کے مطابق زلزلہ کا مرکز باگمتی صوبے کے سندھوپالچوک ضلع میں تھا، جب کہ زلزلے کے جھٹکے نیپال کی راجدھانی کھٹمنڈو میں بھی محسوس کیے گئے۔امریکی جیولوجیکل سروے (یو ایس جی ایس) نے ابتدائی طور پر زلزلے کا مرکز 10.0 کلومیٹر کی گہرائی میں 27.83 شمالی عرض البلد اور 85.97 مشرقی طول البلد تعین کیا۔ نیپال حکام کے مطابق شدید زلزلے کے جھٹکوں کے بعد ابھی تک کسی بڑے نقصان کی کوئی اطلاع سامنے نہیں آئی۔ ہم ابھی بھی رپورٹیں جمع کر رہے ہیں۔رپورٹ کے مطابق زلزلے کے جھٹکوں کے خوف سے لوگ اپنے گھروں سے باہر آگئے تھے تاہم بعد ازاں شہری اپنے گھروں کو واپس چلے گئے۔

کریڈٹ: انڈیپنڈنٹ نیوز پاکستان-آئی این پی