امریکا میں دھماکا خیز کیمیکل لے جانے والے ٹریلر میں دھماکے سے آگ بھڑک اٹھی۔غیر ملکی میڈیا کے مطابق یہ واقعہ امریکی ریاست نیوجرسی میں پیش آیا جہاں ہائی وے پر ایک ٹریلر حادثہ کا شکار ہوگیا۔میڈیا رپورٹس کے مطابق ٹریلر دھماکا خیز کیمیکل لے جا رہا تھا جو ہائی وے پر موجود ایک بیرئیر (رکاوٹ)سے ٹکرا گیا جس کے سبب دھماکے سے دیکھتے ہی دیکھتے ٹریلر میں آگ لگ گئی۔انتظامیہ کی جانب سے بتایا گیا ہے کہ واقعے میں 55سالہ ڈرائیور جھلس کر ہلاک ہوگیا جب کہ ہائی وے کے قریب موجود بیشتر گھروں کو خالی کروالیا گیا تھا۔انتظامیہ کے مطابق حادثے کے بعد جائے وقوعہ سے ہوا اور پانی کے نمونوں کا ٹیسٹ کیا گیا جس میں کیمیکل کی موجود نہیں پائی گئی اور علاقے کو کلیئر قرار دیا گیا۔

کریڈٹ: انڈیپنڈنٹ نیوز پاکستان-آئی این پی