نائیجیریا کے صدر کی تقریب حلف برداری میں خادم حرمین شریفین شاہ سلمان بن عبدالعزیز کی جانب سے ان کی نمائندگی سعودی نائب وزیر خارجہ انجینئر ولید الخیریجی نے کی،الخیریجی نے وفود کے سربراہوں کے ہمراہ دارالحکومت ابوجا میں نائیجیریا کے صدر کی حلف برداری کی تقریب میں شرکت کی، اس موقع پر انہوں نے نائیجیریا کے صدر اور حکومت کو خادم حرمین شریفین اور ولی عہد شہزادہ محمد بن سلمان بن عبدالعزیز کا تہنیتی پیغام اور مبارکباد پیش کی۔ سعودی قیادت کی طرف سے برادر ملک نائیجیریا کی قیادت کے لیے بھیجے گئے تہنیتی پیغام میں نائیجیریا کے عوام کی ترقی اور خوشحالی کیلیے نیک تمنائوں کا اظہار کیا گیا ہے۔

کریڈٹ: انڈیپنڈنٹ نیوز پاکستان-آئی این پی