مشہورِ زمانہ نابینا نجومی بابا وانگا کی جانب سے آئندہ سال کے لیے ماضی میں کی جانے والی پیشگوئیاں سامنے آگئیں۔بلغاریہ سے تعلق رکھنے والی معروف خاتون نابینا نجومی آنجہانی بابا وانگا کا شمار ان افراد میں ہوتا ہے جنہوں نے دنیا بھر کے تاریخی اور افسوسناک واقعات سے متعلق سچ پیشگوئیاں کی تھیں۔بابا وانگا کی پیدائش 1911 میں اور موت 1996 میں ہوگئی تھی۔کئی مرتبہ بابا وانگا کی یہ پیشگوئی سامنے آئی کہ دنیا قدرتی آفات کے گھیرے میں رہے گی اور کئی بار ایسا ہوا لیکن اب 2026 کے لیے کی گئی بابا وانگا کی پیشگوئی میں ہے کہ اس سال بڑے پیمانے پر زلزلے، آتش فشاں پھٹنے اور موسم کی شدت زمینی رقبے کے 7 سے 8 فیصد حصے کو تباہ کردے گی۔یہاں یہ بات قابلِ ذکر ہے کہ یورپ میں ریکارڈ گرمی کی لہر، آسٹریلیا اور کینیڈا میں تباہ کن جنگلات کی آگ اور میانمار جیسی جگہوں پر آنے والے زلزلوں کے باعث بڑے پیمانے پر ہلاکتوں کو دیکھتے ہوئے، قدرتی آفات کی اس مخصوص پیشگوئی نے بہت زیادہ توجہ حاصل کی ہے۔بابا وانگا کے مطابق 2025 سے انسانیت کا زوال شروع ہوجائے گا اور 2026 میں عالمی طاقتوں چین ، روس اور امریکا میں تنازعات پیدا ہوسکتے ہیں۔ بابا وانگا نے اس سال سے متعلق ایک پیشگوئی یہ بھی کی ہے کہ انسانوں کا دوسری مخلوق یا تہذیبوں کے ساتھ پہلی بار رابطہ ہوسکتا ہے۔

کریڈٹ: انڈیپنڈنٹ نیوز پاکستان-آئی این پی