بھارتی وزیراعظم نریندرا مودی نے اقتدار سے چمٹے رہنے کیلئے بھارت کے عسکری ادارے کو بھی نہ بخشا، مودی سرکار فوج اور اس کے لئے مختص وسائل پر بھی قابض ہو گئی۔اہم ملکی اداروں کے علاوہ بھارتی عسکری ادارہ بھی اب مودی سرکار کے نشانے پر ہے۔مودی سرکار کی متعارف کرائی گئی اگنی پتھ اسکیم پر کانگریس کی جانب سے کڑی تنقید کی گئی ہے۔کانگریس کے رہنما راہول گاندھی نے اگنی پتھ سکیم کو شدید تنقید کا نشانہ بناتے ہوئے کہا کہ مودی کی جانب سے اگنی پتھ اسکیم زبردستی مسلط کی گئی، مسلح افواج میں بھرتی ہونے کیلئے اگنی پتھ اسکیم نوجوانوں کی توہین ہے۔دیگر گانگریس رہنمائوں نے بھی اسکیم کی سختی سے مخالف کی۔راہول گاندھی نے مزید کہا کہ فوجیوں کی پنشن کیلئے مختص رقم اڈانی ڈیفنس کو جاتی ہے، اڈانی گروپ رقم سے امریکی اور اسرائیلی کمپنیوں کے ساتھ شراکت داری کرے گا۔

کریڈٹ: انڈیپنڈنٹ نیوز پاکستان-آئی این پی