مودی حکومت صحافیوں کی بھی جاسوسی میں ملوث نکلی، مودی حکومت کی جانب سے دو صحافیوں کی جاسوسی کا انکشاف ہوا ہے،تفصیلات کے مطابق انسانی حقوق کی عالمی تنظیم ایمنسٹی انٹرنیشنل اور امریکی اخبار نے مشترکہ تحقیقات سے مودی حکومت کا بھانڈا پھوڑ دیا۔ ایمنسٹی انٹرنیشنل کا کہنا ہے کہ بھارت میں صحافیوں کو غیر قانونی طور پر نگرانی کے خطرے کا سامنا ہے،ایمنسٹی انٹرنیشنل کے مطابق بھارت میں مودی حکومت اپوزیشن کے ساتھ ساتھ صحافیوں کی بھی جاسوسی میں ملوث نکلی ہے، ایمنسٹی انٹرنیشنل نے کہا ہے کہ مودی حکومت نے دو صحافیوں کی اکتوبر میں اسرائیلی سوفٹ ویئر پیگاسس سے جاسوسی کی،غیر ملکی میڈیا کے مطابق اسرائیلی سوفٹ ویئر دنیا بھر کی کئی حکومتوں کو فروخت کیا گیا ہے جس سے فون کے میسجز، ای میلز اور تصاویر تک رسائی حاصل کی جا سکتی ہے، جب کہ اس سے لوکیشن کا بھی پتا لگایا جا سکتا ہے،ایمنسٹی انٹرنیشنل سیکیورٹی لیب کے سربراہ کا کہنا ہے کہ ہمیں پتا چلا ہے کہ بھارت میں صحافیوں کو غیر قانونی طور پر نگرانی کے خطرے کا سامنا ہے۔

کریڈٹ: انڈیپنڈنٹ نیوز پاکستان-آئی این پی