مقبوضہ کشمیر میں نامعلوم افراد نے حملہ کر کے 4بھارتی فوجیوں کو جہنم واصل کر دیا جبکہ 6شدید زخمی ہو گئے ہیں،غیرملکی میڈیا رپورٹس کے مطابق نامعلوم افراد کی جانب سے بھارتی فوج کی گاڑی پر ضلع کٹھوعہ میں حملہ کیا گیا، قابض فوجیوں کی گاڑی کو دستی بموں اور فائرنگ سے نشانہ بنایا گیا، حملے میں 4بھارتی فوجی موقع پر دم توڑ گئے جبکہ 6شدید زخمی ہوئے ہیں جن میں سے 2کی حالت نازک ہے،حملے کے بعد بھارتی فوج نے علاقے کا محاصرہ کر کے بڑے پیمانے پر تلاشی کا سلسلہ شروع کر دیا، دو روز قبل بھی ایک جھڑپ میں 2بھارتی فوجی مارے گئے تھے جبکہ فوجیوں کی فائرنگ سے 5کشمیری نوجوان بھی شہید ہو گئے۔

کریڈٹ: انڈیپنڈنٹ نیوز پاکستان-آئی این پی