نہتے کشمیریوں پر بھارتی فوج کا ظلم وستم اور انسانی حقوق کی سنگین خلاف ورزیاں جاری ہیں، بھارتی فوج نے راجوری سیکٹر میں مزید 4معصوم کشمیریوں کو دوران حراست تشدد کرکے شہید کردیا،تفصیلات کے مطابق ہندوستانی فوج راجوری سیکٹر میں انسانی حقوق کی دھجیاں اڑانے کی مرتکب ہوئی، مقبوضہ جموں و کشمیر کے ضلع پونچھ کے راجوری سیکٹر سے حراست میں لیے جانے والے کشمیریوں کو بھارتی فوج نے بیدردی سے قتل کر دیا،دوسری جانب مودی سرکار نے اس قتلِ عام پر پردہ ڈالنے کے لیے اپنے افسران کو عہدوں سے ہٹانے کا ڈرامہ رچایا۔ افسران کو ہٹانے کا ڈرامہ زیر حراست 3کشمیریوں پر تھرڈ ڈگری ٹارچر کی ویڈیوز آرمی کیمپ سے لیک ہونے پر کیا گیا۔ بھارتی فوج کے نہتے کشمیریوں پر تھرڈ ڈگری ٹارچر کی ویڈیوز سے مودی سرکار کا دنیا کے سامنے اصل چہرہ بے نقاب ہو گیا ہے،یاد رہے کہ آرٹیکل 377کی منسوخی کے بعد مقبوضہ کشمیر میں 9لاکھ بھارتی فوج کی جانب سے انسانی حقوق کی پامالی عروج پر پہنچ چکی ہے۔ راجوری سیکٹر میں کشمیری عوام کی جانب سے بھارتی سیکورٹی فورسز کی اس بربریت کے خلاف شدید احتجاج کیا جارہا ہے۔

کریڈٹ: انڈیپنڈنٹ نیوز پاکستان-آئی این پی