غریبوں اور بے کسوں کی خدمت کیلئے اپنی زندگی وقف کرنے والی مدر ٹریسا کو دنیا سے بچھڑے 26برس بیت گئے، 5 ستمبر کو دنیا بھر میں مدر ٹریسا کو خراج تحسین پیش کرنے کیلئے مختلف تقاریب منعقد کیگئیں،مدر ٹریسا البانیہ میں 26اگست 1910 میں پیدا ہوئیں، ان کا حقیقی نام ایگنس گونژیا بوجاژیو تھا، 18سال کی عمر میں انہوں نے مذہبی تربیت بھارت کے شہر دارجیلنگ میں حاصل کی، 1937میں انہوں نے چرچ سے وابستگی اختیار کرتے ہوئے ٹریسا کا نام اپنا لیا،مدرٹریسا کی خدمت نا صرف بھارت تک محدود تھی بلکہ دنیا کے کئی حصوں تک پھیل گئی تھی، ان کی خدمات کے اعتراف میں 1979 میں امن کے نوبل انعام سے بھی نوازا گیا، مدر ٹریسا نے مسلسل کام جاری رکھا لیکن 1990میں بگڑتی صحت نے ان کی کارکردگی کو متاثر کرنا شروع کر دیا، اس کے باوجود وہ خدمات انجام دیتی رہیں لیکن 5ستمبر 1997کو زندگی نے ساتھ چھوڑ دیا۔

کریڈٹ: انڈیپنڈنٹ نیوز پاکستان-آئی این پی