لیبیا سے ڈھائی ٹن یورینیم غائب ہوگئی ہے،غیر ملکی میڈیا کے مطابق لیبیا سائٹ کے معائنے کے بعد رکن ممالک کو اپنے بیان میں عالمی جوہری توانائی ایجنسی کا کہنا تھا کہ سابقہ حکومت نے یورینیم کے 10ڈرم ڈیکلیئر کیے تھے جو اب وہاں نہیں ہیں، جوہری توانائی ایجنسی مذکورہ مقام سے یورینیم ہٹائے جانے کی مزید تحقیقات کرے گی ، لیبیا کی سائٹ پر یہ معائنہ گزشتہ برس ہونا تھا لیکن خطے کی خراب صورتحال کی وجہ سے اسے ملتوی کردیا گیا تھا،ایجنسی نے اپنے بیان میں کہا کہ جوہری مقام سے متعلق کوئی خبر دینا خطرے سے خالی نہیں، مذکورہ مقام تک پہنچنے کے لیے پیچیدہ لاجسٹکس کی ضرورت ہے اور وہ یورینیم کی غیرموجودگی کی تحقیق کررہے ہیں،واضح رہے کہ 2003میں لیبیا کے معمر قذافی نے جوہری اسلحہ پروگرام ترک کرنے کا اعلان کیا تھا۔

کریڈٹ: انڈیپنڈنٹ نیوز پاکستان-آئی این پی