قطری وزیر اعظم اور وزیر خارجہ محمد بن عبدالرحمن الثانی نے اقوام متحدہ کے سیکرٹری جنرل انتونیو گوترس سے فلسطین میں ہونے والی پیش رفت پر تبادلہ خیال کیا،قطر کی وزارت خارجہ کی طرف سے جاری کردہ تحریری بیان کے مطابق الثانی نے گوترس کے ساتھ ٹیلیفون پر بات چیت کی،گفتگو میں اسرائیل فلسطین تنازعہ کے حوالے سے تازہ ترین پیش رفت اور کشیدگی کو کم کرنے کے مواقع کا جائزہ لیا گیا،خطے میں تشدد میں اضافے کے بارے میں اپنے خدشات کا اظہار کرتے ہوئے الثانی نے تنائو کو کم کرنے اور انسانی امداد کی فراہمی کے لیے اقوام متحدہ اور اس سے منسلک تنظیموں کے ساتھ کام کرنے کے طریقہ کار کو فعال کرنے کی اہمیت کی طرف توجہ مبذول کرائی۔

کریڈٹ: انڈیپنڈنٹ نیوز پاکستان-آئی این پی