کینیڈا کے مختلف حصوں میں جاری شدید جنگلاتی آگ کے باعث اٹھنے والے گھنے دھوئیں نے کئی علاقوں میں آسمان کو نارنجی اور سرخی مائل رنگ میں تبدیل کر دیا ہے جبکہ فضائی آلودگی خطرناک سطح تک پہنچ گئی ہے۔کینیڈا کے جنگل میں لگنے والی آگ کا کثیف دھواں امریکی دارالحکومت واشنگٹن ڈی سی اور اس کے اطراف کے علاقوں کو اپنی لپیٹ میں لینے والا ہے۔ امریکی نیشنل ویدر سروس نے کوڈ اورنج ایئر کوالٹی الرٹ جاری کردیاتک ڈسٹرکٹ آف کولمبیا، میری لینڈ کے کچھ حصوں اور شمالی ورجینیا کے لیے بعض علاقوں کے متاثر ہونے کا خدشہ ظاہر کیا گیا ہے۔ فضائی آلودگی کی سطح حساس لوگوں کے بشمول بچوں، بوڑھے بالغوں اور دمہ، دل کی بیماری یا پھیپھڑوں کی دیگر بیماریوں میں مبتلا افراد کے لیے غیر صحت بخش ہوسکتی ہے۔مقامی میڈیا کے مطابق اگلے 24 سے 48 گھنٹوں کے دوران وسطی بحر اوقیانوس میں واقع جنگل کی آگ کا دھواں مزید کثیف ہونے کی توقع ہے، جس سے واشنگٹن ڈی سی کے علاقے میں ہوا کا معیار خراب ہو جائے گا۔ ہوا کی سمت میں ایک بڑی تبدیلی سے جنگل کی آگ کے دھوئیں کا بھاری ارتکاز مقامی فضا کو مزید خراب کررہا ہے، جس میں ہوا کے معیار میں سب سے بڑی کمی متوقع ہے جہاں سب سے کثیف دھواں زمین کے قریب پہنچ جاتا ہے۔

کریڈٹ: انڈیپنڈنٹ نیوز پاکستان-آئی این پی