کینیڈا کے صوبے اونٹاریو میں 3 قانون سازوں کو فلسطین سے اظہارِ یکجہتی کی علامت کے طور پر پہنا جانے والا رومال کوفیہ پہننے پر قانون ساز اسمبلی سے باہر نکال دیا گیا۔غیرملکی خبررساںادارے کے مطابق آزاد قانون ساز سارہ جاما نے احتجاجا کوفیہ پہنا تھا جنہیں ایوان سے باہر نکال دیا گیا ۔اس کے بعد نیو ڈیموکریٹک پارٹی (این ڈی پی )کے قانون ساز جوئل ہارڈن اور کرسٹین وونگ تام نے بھی کوفیہ پہنا اور سارہ جاما سے اظہار یکجہتی کرتے ہوئے باہر چلے گئے۔اونٹاریو اسمبلی کے سپیکر کا کہنا ہے کہ ا سمبلی کی عمارت کے باہر کوفیہ پہننے کی اجازت ہے لیکن ایوان میں اس کی اجازت نہیں ہے۔

کریڈٹ: انڈیپنڈنٹ نیوز پاکستان-آئی این پی