کانگو میں شدت پسندوں نے شہریوں پر دھاوا بول دیا، حملے میں 15افراد ہلاک اور متعدد زخمی ہو گئے ہیں جبکہ ہلاکتوں میں اضافے کا خدشہ ہے،غیر ملکی میڈیا کے مطابق عوامی جمہوریہ کانگو میں آپریٹوفار دی ڈیویلپمنٹ آف کانگو ملیشیا گروپ کے شدت پسندوں نے نہتے لوگوں پر حملہ کیا جس کے نتیجے میں 15شہری ہلاک ہوئے، نسلی فسادات میں بھی یہی گروپ ملوث رہا ہے،واضح رہے کہ کوڈیکو ملیشیا گروپ ایک نسل پرست گروپ ہے جو ہیما نامی گروپ کا مخالف ہے، کانگو میں نسلی فسادات کی وجہ سے 15لاکھ افراد نقل مکانی پر مجبور ہوئے ہیں جبکہ ہزاروں شہری اپنی جانیں بھی گنوا بیٹھے ہیں۔

کریڈٹ: انڈیپنڈنٹ نیوز پاکستان-آئی این پی