ترکیہ کے صدر رجب طیب اردوان نے کہا ہے کہ 2023 کے آخر تک ہم، مقامی ڈورن جنگی طیارے کی سیریل پیداوار شروع کر دیں گے'ہمارا ہدف اپنی اولاد کے لئے ایک ایسا ترکیہ چھوڑنا ہے جو زیادہ خوشحال ہو، زیادہ مضبوط ہو اور جس کا شہری ہونے پر ہماری آئندہ نسل فخر محسوس کرے'سرحدوں کو محفوظ بنانے کیلئے پْرعزم ہیں۔صدر ایردوان نے ضلع قونیہ میں جسٹس اینڈ ڈویلپمنٹ پارٹی کی ضلعی مشاورتی اسمبلی کے اجلاس سے خطاب کیا۔انہوں نے کہا ہے کہ ہم اْٹھائے گئے اقدامات کے ساتھ ترکیہ کے سو سالوں کو ایک حقیقت بنانے کی تگ و دو میں ہیں۔ داخلہ سیاست سے لے کر خارجہ پالیسیوں تک ہم اپنے تمام منصوبے اسی نقطہ نظر کے ساتھ ترتیب دے رہے ہیں۔ہمارا ہدف اپنی اولاد کے لئے ایک ایسا ترکیہ چھوڑنا ہے جو زیادہ خوشحال ہو، زیادہ مضبوط ہو اور جس کا شہری ہونے پر ہماری آئندہ نسل فخر محسوس کرے۔ اسی ہدف اور اسی مقصد کے تحت ہم اپنا کام جاری رکھے ہوئے ہیں۔صدر ایردوان نے کہا ہے کہ ترکیہ ، اس وقت حالتِ جنگ کے دو ہمسائیوں 'روس اور یوکرین' کے لئے بھی ایک متوازن خارجہ پالیسی اختیار کر کے نہ صرف بحران سے کم متاثر ہوا ہے بلکہ دنیا کی طرف سے سراہا بھی جا رہا ہے۔

انہوں نے کہا ہے کہ " صرف یہی نہیں بلکہ اناج راہداری سمجھوتے اور قیدیوں کے تبادلے کے ساتھ ہم نے دو ایسی فتوحات حاصل کی ہیں کہ جن کا کوئی حوصلہ نہیں کر پا رہا تھا۔بیرون ملک جتنے بھی سربراہی اجلاسوں میں ہم شرکت کرتے ہیں ہمیں عالمی سربراہوں کی طرف سے، جنگ کے خاتمے کے لئے اپنی پالیسیوں کے بارے میں، تعریف سننے کو ملتی ہے۔صنعت، ٹیکنالوجی اور دفاع میں مقامیت کی شرح کو 20 فیصد سے بڑھا کر 80 فیصد کرنے کی طرف توجہ مبذول کرواتے ہوئے صدر ایردوان نے کہا ہے کہ " 2023 کے اواخر تک ہمارے مقامی ڈورن جنگی طیارے قزل الما کی سیریل پیداوار شروع ہو جائے گی۔طیب اردوان نے کہا کہ ترکیہ کو اپنی سلامتی کیلئے اپنے سرحدی علاقوں میں ہر قسم کی کارروائی کا حق ہے، ہمیں سرحد پار فوجی کارروائی سے بھی کوئی نہیں روک سکتا۔ترک صدر کا کہنا تھا کہ ترک سرحد کے قریب واقع شمالی عراق میں جاری آپریشن کلاؤ لاک کے آغاز سے اب تک ترکیہ نے 480 دہشت گردوں کو بے اثر کیا ہے۔عراقی اور شامی سرحدوں کے پار کرد ملیشیا کے غیر قانونی ٹھکانے ہیں جہاں سے وہ ترکیہ کی سر زمین پر حملوں کی منصوبہ بندی کرتے ہیں۔ترکیہ کے صدر رجب طیب ایردوان نے کہا ہے کہ سال 2023 میں ہم اپنے ملّی ڈرون جنگی طیارے قزل الما کی سیریل پیداوار شروع کر دیں گے۔

کریڈٹ: انڈیپنڈنٹ نیوز پاکستان-آئی این پی