امریکی صدر جوبائیڈن نے اپنے سپورٹرز سے امریکا کی نائب صدر کملاہیرس کی مکمل حمایت کا مطالبہ کردیا،امریکی صدر نے کہا کہ وائٹ ہائوس کی دوڑ سے باہر ہونے کا میرا فیصلہ بالکل درست تھا۔ادھر کملا ہیرس نے ڈونلڈ ٹرمپ کو تنقید کا نشانہ بناتے ہوئے سابق امریکی صدر کو درندہ صفت اوردھوکے باز سے تشبیہ دی اور کہا کہ ٹرمپ کسی جرم میں سزا پانے والے پہلے امریکی رہنما ہیں،دوسری جانب کملا ہیرس کو ڈیموکریٹک پارٹی کا صدارتی امیدوار بننے کیلئے کئی اہم ڈیموکریٹ گورنروں کی حمایت حاصل ہوگئی،امریکی ریاست مشی گن، الینائے، منی سوٹا، وسکونسن اور کینٹکی کے گورنروں نے کملا ہیرس کی حمایت کا اعلان کردیا ہے، اب تک 50سے زیادہ ڈیموکریٹ ارکان کانگریس کملا ہیرس کی حمایت کر چکے ہیں، اگست میں ہونے والے ڈیموکریٹک پارٹی کے نیشنل کنونشن میں صدارتی امیدوار کو باقاعدہ نامزد کیا جائے گا،واضح رہے کہ ڈیموکریٹس نیشنل کنونشن ریاست مشی گن میں 19سے 22اگست تک ہوگا۔

کریڈٹ: انڈیپنڈنٹ نیوز پاکستان-آئی این پی