جنوبی کوریا کی خاتون اول کِم کیون ہی سے لگژری بیگ سکینڈل پر استغاثہ نے پوچھ گچھ کی۔عالمی میڈیا کے مطابق جنوبی کوریا کے استغاثہ نے خاتونِ اول سے الزامات کی بنا پر غیر قانونی طور پر ایک لگژری ہینڈ بیگ اور دیگر تحائف وصول کرنے پر سوالات کئے۔سیئول سینٹرل ڈسٹرکٹ پراسیکیوٹرز کے دفتر نے خاتونِ اول کِم کیون ہی سے تقریبا 12گھنٹے تک تفتیش کی۔اطلاعات کے مطابق خاتون اول پر شبہ ہے کہ انہوں نے ستمبر 2022میں ایک کوریائی امریکی پادری سے تقریبا 30لاکھ وون یا تقریبا 2,150ڈالر مالیت کا ہینڈ بیگ غیر قانونی طور پر وصول کیا تھا۔یہ بھی باور کیا جاتا ہے کہ صدر یون سک یئول کے عہدہ سنبھالنے سے پہلے استغاثہ نے درآمد شدہ گاڑیوں کے ایک ڈیلر سے متعلق حصص قیمت میں ہیرا پھیری کے الگ الگ الزامات پر بھی خاتون اول سے پوچھ گچھ کی تھی۔جنوبی کوریا کے صدر نے بقول ان کے اپنی اہلیہ کیغیر دانشمندانہ طرز عمل پر تشویش پیدا کرنے کے حوالے سے مئی میں معافی مانگی تھی۔

کریڈٹ: انڈیپنڈنٹ نیوز پاکستان-آئی این پی