i بین اقوامی

ٹیسلا نے چیچن رہنما رمضان قادروف کے سائبر ٹرک کو غیر فعال کر دیاتازترین

September 20, 2024

چیچن ریپبلک کے سربراہ رمضان قادروف نے یسلا کے بانی ایلون مسک پر ان کے اس سائبر ٹرک کو ناکارہ بنانے کا الزام لگایا ہے جو انہوں نے گذشتہ ماہ ایلون مسک سے حاصل کرنے کا دعوی کیا تھا۔رمضان قادروف، جنہوں نے 17سال سے آہنی گرفت سے چیچنیا پر حکمرانی کی ہے، نے اگست میں ایک ویڈیو شیئر کی تھی جس میں وہ الیکٹرک گاڑی میں گھومتے ہوئے دکھائی دیے اور اس کی چھت پر مشین گن لگی ہوئی دکھائی دے رہی تھی،قادروف نے دعوی کیا کہ انہیں یہ گاڑی ایلون مسک سے ملی، تاہم ٹیسلا کے مالک نے اپنے سوشل میڈیا پلیٹ فارم ایکس پر اسے جھوٹ قرار دیا، 47 سالہ قادروف نے اپنے ٹیلی گرام اکائونٹ پر ایک پوسٹ میں کہا کہ مسک نے سائبر ٹرک کو غیر فعال کر دیا ہے،انہوں نے کہا کہ ایلون مسک کے لیے یہ کوئی اچھی چیز نہیں ہے۔ وہ اپنے دل کی گہرائیوں سے مہنگے تحائف دیتا ہے اور پھر انہیںغیر فعال کر دیتا ہے۔قادروف نے اپنی سوشل میڈیا پوسٹ میں یہ بھی دعوی کیا کہ جو گاڑی انہیں ملی تھی وہ لڑائی میں استعمال ہوئی تھی اور اسے روسی فوجیوں کی مدد کے لیے یوکرین بھیجا گیا تھا، جہاں اس نے قابل تعریف کارکردگی کا مظاہرہ کیا۔

کریڈٹ: انڈیپنڈنٹ نیوز پاکستان-آئی این پی