متحدہ عرب امارات نے اپنے شہریوں پر زور دیا ہے کہ وہ لبنان کا سفر نہ کریں، یہ فیصلہ فلسطینی پناہ گزین کیمپ میں مسلح دھڑوں کے درمیان ایک ہفتے کی شدید لڑائی کے بعد کیا گیا، جس کے نتیجے میں دیگر خلیجی ممالک نے بھی اپنے شہریوں پر اسی طرح کی پابندی عائد کی ہے۔متحدہ عرب امارات کی وزارت خارجہ نے اتوار کو ایک ٹویٹ کے ذریعے بھی شہریوں کو تاکید کی،وزارت نے متحدہ عرب امارات کے شہریوں کے لیے ہنگامی نمبر0097180024کا اعلان بھی کیا ہے جہاں کوئی بھی شہری جسے مدد کی ضرورت ہو رابطہ کر سکتا ہے۔خیال رہے کہ 29جولائی کو لبنان کے عین الحلو پناہ گزین کیمپ میں مرکزی دھارے کے گروپ الفتح اور ایک مخالف انتہا پسند گروپ کے درمیان مسلح جھڑپیں ہوئیں، جس میں کم از کم 13 افراد ہلاک ہوئے، جن میں زیادہ تر عسکریت پسند تھے،اقوام متحدہ کے ادارہ برائے مہاجرین برائے فلسطین کے مطابق یہ پناہ گزین کیمپ ملک کے 12فلسطینی کیمپوں میں سب سے بڑا ہے، جس میں تقریبا 80ہزار سے دو لاکھ 50 ہزارفلسطینی پناہ گزین رہائش پذیر ہیں،لڑائی شروع ہونے کے بعد سے کیمپ کے 80 ہزاررہائشیوں میں سے ایک چوتھائی بے گھر ہو چکے ہیں،خلیجی ممالک کے علاوہ جرمنی اور برطانیہ جیسے ممالک نے بھی اپنے شہریوں کو لبنان کا سفر کرنے سے روکتے ہوئے ایسی ہی وارننگ جاری کی ہیں۔

کریڈٹ: انڈیپنڈنٹ نیوز پاکستان-آئی این پی