یمن کے حوثی باغیوں نے اسرائیلی مدد کیلئے بحیرہ احمر میں آنے والے امریکی جنگی جہازوں پر حملے کرنے کی دھمکی دے دی،غیر ملکی میڈیا کے مطابق یمن کے حوثی باغیوں کے سربراہ عبدالمالک الحوثی نے امریکا ایک بیان میں کہا ہے کہ اگر ایران کے حمایت یافتہ گروپ کو نشانہ بنایا گیا تو بحیرہ احمر میں امریکی جنگی جہازوں پر حملے کریں گے، امریکا کو افغانستان اور ویتنام میں جو کچھ برداشت کرنا پڑا اب اس سے بھی زیادہ سخت حالات کا سامنا کرنا پڑے گا،عبدالمالک الحوثی نے مزید کہا کہ امریکیوں کو ہمارے خلاف جنگ چھیڑنے کی حماقت کی ترغیب دی گئی تو ہم بھی خاموش نہیں رہیں گے، حملہ ہوا تو ہم بھی امریکی جنگی جہازوں، مفادات اور نیوی گیشن کو اپنے میزائلوں، ڈرونز اور فوجی کارروائیوں کا ہدف بنائیں گے۔

کریڈٹ: انڈیپنڈنٹ نیوز پاکستان-آئی این پی