امریکی صدر نے وینزویلا پر چڑھائی کے بعد گرین لینڈ پر نظریں جما دیں۔صدر ڈونلڈ ٹرمپ نے گرین لینڈ حاصل کرنے کیلئے فوجی آپشنز سمیت تمام ممکنہ راستوں پر غور شروع کر دیا ہے۔ وائٹ ہائو س کی ترجمان کیرولین لیوٹ نے کہا ہے کہ صدر ٹرمپ گرین لینڈ کو حاصل کرنا چاہتے ہیں اور اس حوالے سے خریداری یا آزادانہ وابستگی کے معاہدے کے امکانات بھی زیر غور ہیں۔وائٹ ہائو س کے مطابق گرین لینڈ حاصل کرنا امریکا کی نیشنل سیکیورٹی کی ترجیح ہے۔ان کا کہنا ہے کہ آرکٹک کی سیکیورٹی نیٹو اتحادیوں کے ساتھ مل کر ہونی چاہیے اور یو این چارٹر کے اصولوں اور علاقائی سالمیت کا احترام ضروری ہے۔ سینئیرامریکی عہدیدار کے مطابق امریکی آپشنز میں ڈنمارک سے یہ علاقہ خریدنے یا جزیرے کے ساتھ آزادانہ وابستگی کا معاہدہ کرنے کے امکانات شامل ہیں۔

انہوں نے بتایا کہ گرین لینڈ کو حاصل کرنے کا معاملہ ابھی ختم نہیں ہوا، تاہم نیٹو لیڈرز کے اعتراضات کے باوجود صدر ٹرمپ گرین لینڈ حاصل کرنے کے لیے بے چین ہیں۔ادھر سات یورپی ممالک، فرانس، جرمنی، اٹلی، پولینڈ، اسپین، برطانیہ اور ڈنمارک نے مشترکہ بیان جاری کر کے کہا ہے کہ گرین لینڈ کا مستقبل کا فیصلہ صرف گرین لینڈ اور ڈنمارک کریں گے۔گزشتہ روز گرین لینڈ کی وزیراعظم جنز فریڈرک نیلسن نے صدر ٹرمپ پر واضح کیا تھا کہ گرین لینڈ کبھی امریکا کا حصہ نہیں بنے گا اور اس کا موازنہ وینزویلا سے نہیں کیا جا سکتا۔

کریڈٹ: انڈیپنڈنٹ نیوز پاکستان-آئی این پی