اسر ائیل کا غزہ میں کلنگ مشین جاری چوبیس گھنٹوں میں بمباری کے نتیجے میں26 فلسطینی شہید اور51زخمی ہو گئے ۔ غیر ملکی میڈیا کے مطابق چوبیس گھنٹوں کے درمیان اسرائیل نے غزہ کے مختلف علاقوں پر بمباری کی جس کے نتیجے میں26 فلسطینی شہید اور 51زخمی ہو گئے۔فلسطین کی وزارت صحت کے مطابق اسرائیلی فوج کے ہاتھوں شہید ہونے والے فلسطینیوں کی تعداد اب34ہزار6 سو22 تک پہنچ گئی ہے۔اس درمیان غزہ میں سرکاری میڈیا سیل نے رپورٹ دی ہے کہ گزشتہ چھے ماہ کے زائد عرصے سے جاری اسرائیلی دہشتگردی کے نتیجے میں اس علاقے میں بے روزگاری کی شرح 75 فیصد جبکہ غربت کی شرح نوے فیصد تک جا پہنچی ہے۔ اس کے علاوہ غزہ کی پچھہتر فیصد بنیادی تنصیبات اور اقتصادی مراکز مکمل طور پر تباہ یا تعطل کا شکار ہو چکے ہیں۔

کریڈٹ: انڈیپنڈنٹ نیوز پاکستان-آئی این پی