غزہ میں اسکول میں پناہ لیے ہوئے افراد پر اسرائیلی فضائی حملے میں خواتین اور بچوں سمیت 14فلسطینی شہید ہو گئے،عرب میڈیاکے مطابق نصیرات کیمپ میں اسرائیلی جیٹ طیاروں نے اقوام متحدہ کے زیر انتظام ایک اسکول پر حملہ کیا جہاں بے گھر ہونے والوں نے پناہ رکھی تھی، حملے میں کم از کم 18افراد زخمی بھی ہوئے جن میں سے کچھ کی حالت تشویشناک ہے،سات اکتوبر 2023سے اب تک غزہ پر اسرائیلی حملوں میں 41ہزار 84افراد شہید اور 95ہزار 29زخمی ہو چکے ہیں،دریں اثنا اسرائیلی فورسز نے مقبوضہ مغربی کنارے میں ہیبرون، جنین، رام اللہ اور بیت لحم سے 30فلسطینیوں کو گرفتار کرلیا۔

کریڈٹ: انڈیپنڈنٹ نیوز پاکستان-آئی این پی