فرانس نے غزہ میں اسرائیلی حملوں میں زخمی ہونے والوں کے علاج کے لیے اسپتال کی خدمات فراہم کرنے کے لیے ڈیزائن کیا گیا ہیلی کاپٹر بردار جہاز علاقے روانہ کیا ہے،ایکس سوشل میڈیا اکائونٹ پر اپنی پوسٹ میں، فرانسیسی وزیر دفاع سیباسٹین لیکورنو نے کہا ہے کہ ہیلی کاپٹر جہاز میں 40بستر، 2آپریٹنگ کمروں پر مشتمل ہے،ہیلی، کاپٹر بردار بحری جہاز '' ڈخسمڈ'' چند دنوں میں مصر پہنچ جائے گا،فرانس نے گزشتہ ماہ'' ٹونیری ''نامی ایک ہیلی کاپٹر جہاز غزہ روانہ کیا تھا،غزہ میں صحت کی خدمات کو سخت نقصان پہنچا ہے جہاں اسرائیل نے اسپتالوں کو نشانہ بنایا اور شہریوں کی بھاری ہلاکتیں ریکارڈ کی گئیں، فرانس کی جانب سے بھیجے گئے بحری جہازوں پر حزب اختلاف کی جانب سے کافی بستر کی گنجائش نہ ہونے پر تنقید کی جارہی ہے۔

کریڈٹ: انڈیپنڈنٹ نیوز پاکستان-آئی این پی