فرانس میںحکومت نے انتہائی دائیں بازو کی سیاسی جماعت نیشنل ریلی کی سربراہ میرین لی پین کے خلاف مشکوک فنڈنگ کے حوالے سے تحقیقات کا آغاز کردیا ہے،میرین لی پین کی پارٹی نے 2022میں یورپی پارلیمنٹ کے انتخابات میں غیر معمولی کارکردگی کا مظاہرہ کیا تھا جس کے بعد فرانس کے حالیہ انتخابات میں بھی نیشنل ریلی نے ابتدائی مرحلے میں کامیابی حاصل کرکے سیاسی مبصرین کو حیران اور فرانسیسی حکومت کو پریشان کردیا تھا،دوسرے اور فیصلہ کن مرحلے میں نیشنل ریلی اپنی برتری برقرار رکھنے میں کامیاب نہ ہوسکی اور شکست کھاگئی، پارلیمنٹ میں اسے 143جبکہ بائیں بازوں کے اتحاد نیو پاپولر فرنٹ کو 182اور صدر ایمانویل میکرون کی پارٹی کو 163نشستیں ملی ہیں،میرین لی پین کو انتخابی شکست کے بعد پیرس کے متعدد علاقوں میں ہنگامہ آرائی کے حوالے سے بھی الزامات اور تحقیقات کا سامنا ہے، ان پر ایک بنیادی الزام یہ ہے کہ 2022کے یورپی پارلیمنٹ کے انتخابات میں انہوں نے مشکوک ذرائع سے انتخابی فنڈنگ حاصل کی تھی،میرین لی پین کا کہنا ہے کہ ان کے خلاف مشکوک فنڈنگ کے حوالے سے تحقیقات بلا جواز ہے۔ انہوں نے صدر میکرون اور وزیرِ اعظم گیبریل ایٹل پر الزام لگایا ہے کہ انتخابی شکست کے بعد اب انہیں انتقام کا نشانہ بنایا جارہا ہے۔

کریڈٹ: انڈیپنڈنٹ نیوز پاکستان-آئی این پی