فلسطینیوں کی نسل کشی سے باز نہ آنے پر کولمبیا نے اسرائیل کے ساتھ سفارتی تعلقات مکمل طور پر ختم کرنے کا اعلان کر دیا۔غیرملکی میڈیا رپورٹس کے مطابق کولمبیا کے صدر گستاوو پیٹرو نے دارالحکومت بگوٹا میں شہریوں سے خطاب کرتے ہوئے فلسطینیوں کی نسل کشی جاری رکھنے پر اسرائیل کے ساتھ ہر قسم کے سفارتی تعلقات مکمل طور پر ختم کرنے کا اعلان کیا۔صدر گستاوو پیٹرو نے شہریوں سے مخاطب ہو کر کہا کہ اسرائیلی وزیر اعظم نیتن یاہو نے غزہ میں انسانوں کو ذبح کیا اور خون کی ندیاں بہا دیں، عالمی قوتیں اسرائیل کے خلاف فلسطینیوں کے نسل کشی کے کیس میں فریق بنیں۔

کریڈٹ: انڈیپنڈنٹ نیوز پاکستان-آئی این پی