شمالی وسطی فلوریڈا میں کسانوں کو لے جانیوالی بس خوفناک حادثے کا شکار ہوگئی ، جس کے نتیجے میں 8افراد ہلاک جبکہ 40 زخمی ہو گئے۔ زخمی ہونے والے 8 کسانوں کی حالت انتہائی تشویشناک قرار دی گئی ہے۔امریکی میڈیا کے مطابق شمالی وسطی فلوریڈا میں منگل کی صبح کھیتوں میں کام کرنے والے کسانوں کو لے جانے والی بس کے حادثے 8افراد جان کی بازی ہار گئے جبکہ 8شدید زخمی ہوئے۔فلوریڈا ہائی وے پٹرول کے مطابق واقعہ صبح ساڑھے چھ بجے ڈنیلون، فلوریڈا کے مضافات میں پیش آیا جب کسانوں کو لے جانیوالی بس اور فورڈ رینجر ٹرک آپس میں ٹکرا گئے، تصادم کے نتیجے میں 8افراد شدید زخمی بھی ہوئے ہیں ۔پولیس نے ٹرک کے ڈرائیور کو بعد میں نشے کی حالت میں ڈرائیونگ کرنے کے الزام میں گرفتار کر لیا،ہائی وے پولیس حکام کے مطابق حادثے میں مجموعی طور پر 40افراد کو مختلف ہسپتالوں میں منتقل کیا گیا ہے جن میں سے کچھ کی حالت انتہائی تشویشناک ہے ،ان کا مزید بتانا تھا کہ بس میں 53افراد سوار تھے ، اس حوالے سے فلوریڈا ہائی وے پٹرول کی تحقیقات جاری ہیں۔

کریڈٹ: انڈیپنڈنٹ نیوز پاکستان-آئی این پی