دبئی میں 'گلوبل ویلج میلہ' طرز پر سجنے والا 'تھیم پارک عوام کے لیے جلد کھول دیا جائے گا،جس میں دنیا بھر سے آنے والے سیاحوں کے لیے بہت سی دلکشیوں کا سامان فراہم کیا گیا ہے۔ یہ روائتی میلہ دبئی میں اپنے 29ویں سیزن کا آغاز 16اکتوبر سے کرے گا،دبئی کا یہ مشہور زمانہ 'گلوبل ویلج میلہ ' 16اکتوبر سے 11مئی تک اس وقت تک جاری رہے گا جب تک موسم گرما کا آغاز نہیں ہو جاتا ۔ تاکہ سیاح موسمی شدت سے پہلے اس کی سب رعنائیوں سے فائدہ اٹھا سکیں،سولہ اکتوبر سے یہ میلہ اور اس کے تمام پویلینز شائقین کے لیے سہ پہر چار بجے سے رات کے دو بجے تک کھلے رہا کریں گے۔ پولینز میں رنگ برنگے سٹالز ، مزے مزے کے کھیل اور کارنیولز منتطر ہوا کریں گے'تھیم پارک' میں منگل کا دن خواتین ، فیملیز اور بچوں کے لیے مخصوص ہو گا،تھیم پارک جانے والوں کے لیے اس کی ٹکٹوں کی خریداری کے لیے جلد ہی اس کی ' ویب سائٹ ' پر سہولت ' اوپن ' کر دی جائے گی۔

کریڈٹ: انڈیپنڈنٹ نیوز پاکستان-آئی این پی