دبئی میں موجود جمیرہ بیچ ریذیڈنس (جے بی آر)کمیونٹی میں ای بائیکس اور اسکوٹیز پر پابندی عائد کردی گئی کیونکہ یہ تیز رفتاری کے باعث پیدل سفر کرنے والوں کے لیے حادثات کا سبب بن رہی تھیں، عرب میڈیا کے مطابق دبئی کے شہریوں کا ای اسکوٹی اور بائیکس کو لاپرواہی اور تیز رفتار اسپیڈ سے چلانے کی وجہ سے ان پر پابندی عائد کی گئی ہے،دبئی کی جمیرہ بیچ ریذیڈنس کمیونٹی کے انچارج گروپ نے خلیج ٹائمز کو بتایا کہ انہوں نے حادثات کو روکنے اور علاقے کو محفوظ بنانے کے لیے ای سکوٹر اور ای بائیکس پر پابندی لگا دی ہے۔ انہوں نے ای بائیک اور ای اسکوٹیز پر عربی اور انگریزی میں کراس کے نشانات لگا دیے ہیں جنہیں دیکھ کر معلوم ہوجائے گا کہ اسے وہاں جانے کی اجازت نہیں،دبئی مرینہ کی جمیرہ بیچ ریذیڈنس کی ایک رہاشی خاتون آسیہ خسنوت دینوا نے خلیج ٹائمز کو بتایا کہ پڑوس میں الیکٹرک اسکوٹرز کو محدود ہونا چاہیے۔ وہ ایک امریکی خاتون ہیں جو دبئی مرینا کے رہائشی علاقے میں گزشتہ چار سال سے مقیم ہیں۔ ان کا کہنا تھا کہ الیکٹرک ای اسکوٹیز کے آنے سے قبل یہاں چہل قدمی کرنا کافی محفوظ اور آسان ہوا کرتا تھا،خاتون کا مزید کہنا تھا کہ میں یہاں روزانہ دوڑتی اور پیدل چلا کرتی تھی، لیکن اب یہاں چہل قدمی کرنا بھی بہت مشکل ہے۔ کیونکہ آس پاس ای اسکوٹیز چلانے والوں کی تعداد بڑھ گئی ہے، جو ہائی وے پر تیز رفتار گاڑیوں کی طرح اوور اسپیڈ سے چلاتے ہیں۔

کریڈٹ: انڈیپنڈنٹ نیوز پاکستان-آئی این پی