الجزائر میں چینی سفارت خانہ نے معذور افراد کی مدد کے لیے سلیمہ سوکری چیریٹی اینڈ ہیومینیٹیرین فانڈیشن کو 44 برقی اور دستی وہیل چیئرز عطیہ کی ہیں۔ الجیریا میں چین کے سفیر لی جیان نے دارالحکومت الجزائر میں منعقدہ عطیات کی تقریب سے خطاب کیا۔ لی نے کہا کہ ہم امید کرتے ہیں کہ یہ وہیل چیئرز ان کی زندگی اور کام کو بہتر طریقے سے آسان بنائیں گی اور آج کی خیراتی سرگرمی کے ذریعیہم الجیریامیں معذور افراد کی فلاح و بہبود میں حصہ ڈال سکتے ہیں ۔ ہمیں امید ہے کہ مزید تنظیموں سے بھی لوگوں کے اس گروپ پر توجہ دینے کا مطالبہ کریں گے۔ اس کے علاوہ سفیر نے کہا کہ یہ تقریب چین اور الجیریاکے درمیان دوستی اور تعاون کا ایک مضبوط ثبوت ہے۔ انہوں نے خیرات سمیت لوگوں کے ذریعہ معاش کے شعبے میں الجیریاکے ساتھ تعاون کو مضبوط بنانے پر آمادگی کا اظہار کیا۔ فانڈیشن کی صدر سلیمہ سوکری نے عطیہ وصول کرنے والے معذور افراد کے خاندانوں کی جانب سے چینی سفارت خانہ کا شکریہ ادا کیا۔ انہوں نے کہا کہ یہ عطیہ دونوں ممالک کے درمیان تعاون اور عوام کے درمیان گہری دوستی کی عکاسی کرتا ہے۔

کریڈٹ: انڈیپنڈنٹ نیوز پاکستان-آئی این پی