چائنہ مِن میٹلز کارپوریشن کے نمائندوں نے پولینڈ کی تانبے کی کان کنی اور میٹالرجیکل کمپنی کے جی ایچ ایم کے ساتھ 2024-2028 کے لیے الیکٹرولائٹک تانبے کی خریداری کے معاہدے پر دستخط کیے ہیں۔ اسی دن چین کے قومی زرعی ترقیاتی گروپ کمپنی لمیٹڈ نے پولینڈ کی کسکٹ ڈیری کے ساتھ تعاون کے معاہدے پر دستخط کیے جو دودھ کی مصنوعات کا ایک سپلائر ہے۔ دورہ کرنے والے چینی کمپنی کے نمائندے چین کی وزارت تجارت کے ایک وفد کے ارکان تھے۔ چینی وزارت خارجہ کے فارن ٹریڈ ڈیپارٹمنٹ کے ڈائریکٹر جنرل لی شنگ چھیان نے کہا کہ چینی حکومت دونوں ممالک کے درمیان تجارتی و اقتصادی تعلقات کو بہت اہمیت دیتی ہے۔ انہوں نے کہا کہ چین کی بڑی، پھیلی ہوئی اور تیزی سے بڑھتی مارکیٹ ایک بہت بڑی صلاحیت پیش کرتی ہے۔ ہم توقع کرتے ہیں کہ یہ تجارت کو فروغ دینے والا وفد چینی مارکیٹ میں اعلی معیار اور فائدہ مند پولینڈ کی مصنوعات لائے گا اور چین ۔پولینڈ تجارتی واقتصادی تعلقات کی ترقی میں نئے محرک کا اضافہ کرے گا۔

کریڈٹ: انڈیپنڈنٹ نیوز پاکستان-آئی این پی