چین کے نائب وزیراعظم ہی لیفینگ نے عوام کی رہائشی طلب کو بہتر انداز میں پورا کرنے کے لیے حکومت کی جانب سے سبسڈی کے حامل مکانات سے متعلق مسائل کو حل کرنے کی کوششوں پر زور دیا ہے۔ اصلاحات اور جدت سازی کو حکومت کی طرف سے سبسڈی کے حامل مکانات سے متعلق اہم مسائل ، تعمیراتی پیمانے ، فنڈز اور انتظام سے نمٹنے کے لئے استعمال کیا جانا چاہئے۔ ان خیالات کا اظہار انہوں نے حکومت کی جانب سے سبسڈی کے حامل مکانات کی منصوبہ بندی اور تعمیر کے حوالے سے ٹیلی کانفرنس سے خطاب کرتے ہوئے کیا۔ اس کی اہمیت پر روشنی ڈالتے ہوئے نائب وزیر اعظم نے کہا کہ حکومت کی جانب سے سبسڈی کے حامل مکانات بڑے شہروں میں رہائش کے بوجھ کو کم کرنے، چین کے رئیل اسٹیٹ شعبے میں تبدیلی کو مئوثر طریقے سے فروغ دینے اور سرمایہ کاری اور کھپت کو فروغ دینے میں مدد دے سکتے ہیں۔ انہوں نے کہا کہ حکومت کی جانب سے سبسڈی پر گھروں کی تعمیر ایک مشکل اور پیچیدہ منظم منصوبہ ہے۔ انہوں نے آئندہ کی منصوبہ بندی، منصوبے کے انتظام اور اخراجات کو سخت کنٹرول میں رکھنے اور مارکیٹ کی صورتحال پر جامع غور کرنے کی کوششوں پر زور دیا۔ نائب وزیر اعظم نے کہا کہ اس بات کو یقینی بنانے کے لئے اقدامات کیے جائیں کہ ان گھروں کو سخت انتظامی بند شوں کے تحت رکھا جائے اور اس کی مارکیٹ میں خر یدو فروخت پر پابندی عائد رکھی جائے۔

کریڈٹ: انڈیپنڈنٹ نیوز پاکستان-آئی این پی