چین کے شمال مغربی صوبہ گانسو میں شدید بارش اور لینڈ سلائیڈز سے کم از کم 7 افراد لاپتہ اور تین زخمی ہو گئے۔ حکام نے جمعرات کے روز بتا یا کہ گن نان تبتی خوداختیار پریفیکچر کی کاؤنٹی شیا ہی کے 2 قصبے جمعرات کی صبح تقریبا 3 بجے لینڈ سلائیڈز کی زد میں آگئے۔ ان دونوں مقامات پر بالترتیب 50.2 اور 31.8 ملی میٹر بارش ہوئی۔ لاپتہ افراد میں 6 مزدور بھی شامل ہیں۔ زخمیوں کو فوری طور پر اسپتال منتقل کردیا گیا ہے جن کی زندگی خطرے سے باہر ہے۔ لاپتہ افراد کی تلاش کے لیے امدادی کارکنوں کو بھیج دیا گیا۔

کریڈٹ: انڈیپنڈنٹ نیوز پاکستان-آئی این پی