روس کے نائب وزیر خارجہ سرگئی ریابکوو نے کہاہے کہ شام کے معزول صدربشارالاسد کو انتہائی محفوظ طریقیسے روس منتقل کیاگیا ہے۔شام کے دارالحکومت دمشق پر اپوزیشن فورسز کے قبضے سے قبل ہی سابق صدر بشار الاسد اپنے خاندان کے ساتھ روس فرار ہوگئے تھے، روس نے بشار الاسد اور ان کے خاندان کو انسانی ہمدردی کی بنیاد پر پناہ دی ہے۔اس حوالے سے نائب روسی وزیرخارجہ نے کہا کہ روس غیرمعمولی صورتحال میں ضرورت کے مطابق کام کرتا ہے، شام کے صد ربشارالاسد کو انتہائی محفوظ طریقیسے روس منتقل کیا گیا۔بشارالاسدکو جرائم کی عالمی عدالت کے حوالے کرنے سے متعلق سوال پر انہوں نے کہا کہ روس عالمی فوجداری عدالت قائم کرنے والے کنونشن کا حصہ نہیں۔ واضح رہے کہ بشار الاسد نے ماسکو میں حال ہی میں 20 اپارٹمنٹس خریدے ہیں جن کی مالیت 30 ملین پانڈ سے زائد بتائی گئی ہے۔

کریڈٹ : انڈیپنڈنٹ نیوز پاکستان-آئی این پی